चैत १६ , डोटी
डोटीमा आगोले जलेर गम्भीर घाइते भएकी एक महिलाको मृत्यु भएको छ । बिहिवार अपराह्न करिब ४ बजेतिर जङ्गलमा लागेको आगोले जलेर घाइते हुनुभएकी शिखर नगरपालिका–४ सेलबुङ्गाकी ४१ वर्षीय चन्द्रादेवी भण्डारीको मृत्यु भएको हो ।
२०/२५ जनाको समूहमा पातालीसैन सामुदायिक वनमा सिँचाई योजनाको कुलो खन्न जानुभएकी भण्डारी वनमा लागेको आगोले जलेर घाइते हुनुभएको थियो । उहाँलाई सुजङ्ग अस्पताल राजपुरमा सामान्य उपचारपछि धनगढी रिफर गरिएकोमा निसर्ग अस्पतालले आज बिहान १ बजे मृत घोषणा गरेको जिल्ला प्रहरी कार्यालय डोटीका प्रहरी नायव निरीक्षक नारायण सिं नेगीले जानकारी दिनुभयो ।
