भदौ १७, सिलगढी । त्रिभुवन विश्वविद्यालयले डोटी बहुमुखी क्याम्पस सहित ११ क्याम्पस प्रमुखका लागि आवेदन माग गरेको छ । त्रिविको क्याम्पस प्रमुख छनौट समितिले सोमबार सूचना प्रकाशित गर्दै ११ आङ्गिक क्याम्पसमा रिक्त क्याम्पस प्रमुखका लागि आवेदन माग गरेको हो । योग्य उम्मेदवारले सूचना प्रकाशित भएको सात दिन भित्र आवेदन पठाउनु पर्ने छ ।
त्रिविले डोटीको डोटी बहुमुखी क्याम्पस, काठमाडौँका रत्न राज्यलक्ष्मी क्याम्पस र विश्वभाषा क्याम्पस, ललितपुरको पाटन संयुक्त क्याम्पस, पोखराको पृथ्वीनारायण क्याम्पस, बुटवलको बुटवल बहुमुखी क्याम्पस, सुर्खेतको शिक्षा क्याम्पसका लागि क्याम्पस प्रमुखको आवेदन माग गरेको हो ।
यसै गरी सिराहाको सूर्यनारायण सत्यनारायण मोरवैता यादव क्याम्पस, जनकपुरको रामस्वरुप रामसागर क्याम्पस, पाल्पाको त्रिभुवन बहुमुखी क्याम्पस र जुम्ला क्याम्पसका लागि पनि आवेदन माग गरेको हो ।
