धनगढी : कैलालीमा एक लाख बढी रकमसहित ८ जना जुवाडे पक्राउ परेका छन् ।
जिल्लाको टीकापुर नगरपालिका वडा नम्बर १ बाट गएराति २ बजेतिरको समयमा उनीहरुलाई पक्राउ गरिएको जिल्ला प्रहरी कार्यालय कैलालीका प्रहरी निरीक्षक हिक्मत थापाले जानकारी दिए ।
जुवा खेलिरहेको भन्ने गोप्य सूचनाको आधारमा स्थानीय तेज बहादुर कडायतको घरबाट उनीहरुलाई पक्राउ गरिएको उनले बताए ।
उनीहरुलाई थप अनुसन्धानका लागि हिरासतमा राखिएको प्रहरी निरीक्षक थापाले बताएका छन् ।
