शिवजी मण्डेल/ बझाङ
बझाङको थलारा गाउँपालिका वडा नं ५ ले बुधवार ८० वर्ष माथिका जेष्ठ नागरिकलाई सम्मान स्वरुप न्यानो कपडा बलाङ्केट वितरण गरेको छ । एक कार्यक्रमका बिच वडा भित्र रहेका २५ जना जेष्ठ नागरिकलाई सम्मान गरिएको वडा सदस्य राम जेठाराले बताउनु भयो ।
यो चिसो समयमा विशेषगरी बुढा बुढीलाई समस्या हुने भएकाले ८० वर्ष पुगेका जेष्ठ नागरिकलाई सम्मान स्वरुप घरघरमा गएर न्यानो कपडा बलाङ्केट वितरण गरेको वडा अध्यक्ष दिर्घराज जोशीले बताउनुभएको छ । वडा अध्यक्ष जोशीको प्रमुख आथित्य सम्पन्न उक्त कार्यक्रमको संचालन वडा सदस्य जेठाराले गर्नुभएको थियोे । उक्त कार्यक्रम पौष मसान्त भित्र सक्ने भनेपनि केही समस्याका कारण ढिला भएको हो बताइएको छ ।
