डोटी : सामुदायिक बन उपभोक्ता महासंघ डोटीले जिल्लाका सामुदायिक बनहरुलाई स्वास्थ्य सामाग्री हस्तान्तरण गरेको छ । सामुदायिक बनका सदस्यलाई मास्क, सेनिटाईजर, साबुन दिपायल सिलगढी नगरपालिका भित्र रहेका सामुदायिक बनका पदाधिकारीलाई दिपायल सिलगढी नगरपालिकाका नगर प्रमुख मञ्जु मलासी र सामुदायिक बन उपभोक्ता महासंघ डोटीका अध्यक्ष कृष्ण मलासीले हस्तान्तरण गर्नु भएको छ ।
कोभिडका कारण सामुदायिक बनका नियमित बनको बैठक बस्न समस्या भएको कुडासैन गोदलु साझभुवा सामुदायिक बन उपभोक्ता समितिका अध्यक्ष प्रशाद साउँदले बताउनु भएको छ । भेला हुन पनि नसकिने र बन संरक्षणमा पनि कट्टीबद्ध भएर खट्नका लागी कोभिडले समस्या गरेको बताए ।
सामुदायिक बनका पदाधिकारीलाई ३० हजार बराबरको स्वास्थ्य समाग्री बितरण गरिएको सामुदायिक बन उपभोक्ता महासंघ डोटीका अध्यक्ष कृष्ण मलासीले बताउनु भएको छ ।
