असोज १३, बझाङ
बझाङ प्रहरीले मंगलबार मष्टा गाउँपालिका– २ खिकालाकी १२ वर्षीया सम्झना कामीको हत्या आरोपीलाई सार्वजनिक गरेको छ । यही असोज ८ गते सम्झनाको बलत्कार पछि हत्या भएको थियो । सम्झनाको हत्यन गरेको आरोपमा पक्राउ परेका २० वर्षीय राजेन्द्र बोहरालाई प्रहरीले सार्वजनिक गरेको हो ।
गोठमा गाइवस्तुलाई घाँस हाल्न हिँडेकी सम्झनाको शव स्थानीय शिव मन्दिरभित्र फेला परेको थियो।
बोहरालाई यस अघि पनि अर्र्की एक बालिका माथि जबरजस्ती करणीको जाहेरी परेको थियो । सोही ठाउँकी १३ वर्षीया बालिकालाई जबरजस्ती करणीको जाहेरी परेको जिल्ला प्रहरी कार्यालय बझाङले बताएको छ ।
