डोटी- देशभर ३ हजार ७ सय ४९ जनामा कोरोना संक्रमण पुष्टि भएको छ । पछिल्लो २४ घण्टामा देशभरका बिभिन्न प्रयोगशालामा १६ हजार सात सय ९८ जनाको पिसिआर परीक्षण गर्दा ३ हजार ७ सय ४९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयको नियमित मिडिया ब्रिफिङमा प्रवक्ता प्रा.डा.जागेश्वर गौतमले बताए । योसँगै नेपालमा जम्मा कोरोना संक्रमितको संख्या १ लाख २१ हजार ७ सय ४५ पुगेको छ । नेपालमा हाल ३६ हजार ५ सय ३३ जना सक्रिय संक्रमित छन् ।
त्यस्तै आज देशभर ३ हजार ५ सय ६४ संक्रमितले कोरोना जितेका छन् । हालसम्म कोरोना मुक्त हुनेहरूकोे कुल संख्या ८४ हजार ५ सय १८ रहेको छ ।
छिल्लो २४ घण्टामा १९ जना कोरोना संक्रमितको मृत्यु भएको छ । योसहित नेपालमा कोरोना संक्रमित भई मृत्यु हुनेको संख्या ६ सय ९४ पुगेको छ ।
