देशभर थप दुई हजार सात सय ५३ जनामा कोरोना संक्रमण पुष्टि भएको छ । पछिल्लो २४ घण्टामा देशभरीका विभिन्न कोभिड-१९ प्रयोगशालामा १० हजार चार सय २३ नमुनाहरुको परिक्षण गरिएकोमा दुई हजार सात सय ५३ जनामा कोरोना देखिएको स्वास्थ्य तथा जनसंख्या मन्त्रालयले जनाएको छ । यो संगै नेपालमा जम्मा कोरोना संक्रमित हुनेको संख्या एक लाख ९१ हजार ६ सय ३६ पुगेको छ । हाल नेपालमा सक्रिय संक्रमितको संख्या ३५ हजार चार सय ३५ छ ।
आज देशभरका दुई हजार दुई सय ६ जनाले कोरोना जितेका छन् । यो संगै कोरोना मुक्त हुनेहरूकोे कुल संख्या एक लाख ५५ हजार एक सय १४ पुगेको छ ।
त्यस्तै पछिल्लो २४ घण्टामा थप १७ जना कोरोना संक्रमितको मृत्यु भएको छ । थप १७ जना कोरोना संक्रमितको मृत्यु भएसंगै नेपालमा कोरोना संक्रमणबाट मृत्यु हुनेको संख्या एक हजार ८७ पुगेको छ ।
