सोमबार देशभर थप एक हजार नौँ सय ८० जनामा कोरोना संक्रमण पुष्टि भएको छ । पछिल्लो २४ घण्टामा देशभरीका विभिन्न कोभिड-१९ प्रयोगशालामा १० हजार तिन सय ८१ नमुनाहरुको परिक्षण गरिएकोमा एक हजार नौँ सय ८० जनामा कोरोना देखिएको स्वास्थ्य तथा जनसंख्या मन्त्रालयले जनाएको छ । यो संगै नेपालमा जम्मा कोरोना संक्रमित हुनेको संख्या २ लाख २२ हजार दुई सय ८८ पुगेको छ । हाल नेपालमा सक्रिय संक्रमितको संख्या १८ हजार ८ सय ८४ छ ।
आज देशभरका तिन हजार ४३ जनाले कोरोना जितेका छन् । यो संगै कोरोना मुक्त हुनेहरूकोे कुल संख्या दुई लाख दुई हजार ६७ पुगेको छ ।
त्यस्तै पछिल्लो २४ घण्टामा थप १६ जना कोरोना संक्रमितको मृत्यु भएको छ । थप १६ जना कोरोना संक्रमितको मृत्यु भएसंगै नेपालमा कोरोना संक्रमणबाट मृत्यु हुनेको संख्या एक हजार तिन सय ३७ पुगेको छ ।
