महोत्तरीकी ६ वर्षीया बालिका गुलाव शाह खातुनको हत्या आरोपमा पक्राउ परेका व्यक्तिको घरमा स्थानीयवासीले आगो लगाइदिएका छन्। जिल्लाको बर्दिवास नगरपालिका-१४ की खातुनको हत्या आरोपमा पक्राउ परेका गौशाला नगरपालिका-५ का २५ वर्षीय अरुण कुमार साहको घरमा स्थानियले आगो लगाएका हुन् । आरोपी साहले बालिकाको हत्या आफुले गरको स्वीकार गरेका छन् ।
आईतबार साँझ देखी शुभम् बस्तीबाट हराइरहेकी ६ वर्षीया बालिका खातुनको हत्या गरिएको अवस्थामा सोमबार राति शव फेला परेको थियो ।
प्रहरीका अनुसार खातुनको शव सामुदायिक परिवार कल्याण संघ महोत्तरीको कार्यालयभन्दा पश्चिमपट्टी पर्ने विनोद साहको खाली जग्गामा भेटिएको थियो ।
हत्या गरेर बोरामा राखी झाडीमा फालेको अवस्थामा सोमबार मध्यरातमा शव भेटिएको इलाका प्रहरी कार्यालय बर्दिबासका डीएसपी राजन चापागाईंले बताए ।
घटनाबारे थप अनुसन्धान भैरहेको प्रहरीले जनाएको छ।
