खुसी चाहान्छु जुनी जुनी,मुस्कुराएर बस्नु

१- मुक्तक
श्रमले क्रान्ति गर्छु भन्ने विचार हुनेहरु
मरुभूमिमा मुल फुटाउन प्रसार हुनेहरु
परिवर्तनका संवाहक तिनैहुन युगले बुझोस
जोश,जागर,सीप र हातमा औजार हुनेहरु
२-मुक्तक
खुसी चाहान्छु जुनी जुनी,मुस्कुराएर बस्नु
नरोउ रुने त ~म छु नी,मुस्कुराएर बस्नु
मुटूमा राख्छु भन्दा अस्विकार गर्ने मान्छे
अब कसैका पैतला मुनी,मुस्कुराएर बस्नु
३-मुक्तक
संग्रामले बनेको मान्छे, बिचारले चल्ने मान्छे
यी अँध्यारा बस्तीहरूमा मसाल झैँ बल्ने मान्छे,
तिम्रो वर्गले च्यापिएर, तिम्रो नस्लले थिचिएर,
पर्दा पछाडि बस्न विवश छ युग बदल्ने मान्छे।।
४-मुक्तक
हुँदा पनि मनभरी शोक हाँस्दै भनिदिएँ ।
गर्दिन तिम्रो जीवनमा रोकतोक हाँस्दै भनिदिएँ ।
खुशी त छौनि ? उनले सोधिन् हामी छुट्ने बेला,
तिम्रो खुशी हो मेरो सबथोक हाँस्दै भनिदिएँ ।
५- मुक्तक
प्रश्न उठ्छ मनमा तमाम कस्ले लेखिदियो?
यसु अल्लाह बुद्ध राम कस्ले लेखिदियो?
मैले चाहेर पनि जीवनभर मेटाउन सकिन
यो छातीमा उनको नाम कस्ले लेखिदियो?

Sayalb

प्रचण्ड सापकोटा
हर्मी – ३ सिरान चौक गोर्खा

Shaileshwori
Loading...