जेठ २७, काठमाडौँ । नेपाली बजारमा सुनको मूल्य एकै दिन प्रति तोला रु. चार हजारले घटेको छ । सुनको मूल्य चार हजारले घटेसँगै आइतबार छापावाल सुन प्रतितोला एक लाख ४१ हजारमा कारोबार भइरहेको नेपाल सुन चाँदी व्यवसायी महासङ्घले जनाएको छ । शुक्रवार सुनको मूल्य अहिलेसम्मकै उच्च प्रति तोला एक लाख ४५ हजार रुपैयाँ थियो ।
आज तेजाबी सुन रु. एक लाख ४० हजार तीन सयमा कारोबार भइरहेको छ । शुक्रवार तेजाबी सुन रु एक लाख ४३ हजार तीन सयमा कारोबार भएको थियो ।
यस्तै आज चाँदीको मूल्य पनि ७५ रुपैयाँले घटेको छ । शुक्रवार प्रतितोला एक हजार नौ सय रुपैयाँमा कारोबार भएको चाँदी आज एक हजार आठ सय २५ रुपैयाँमा कारोबार भइरहेको छ ।
