गजल
बलिदान दिन तयार छु गला रेट्ने तरबार कहाँ छ
पीडितलाई न्याय दिने मेरो देशमा सरकार कहाँ छ
मलाई पनि बलात्कारको अभियोग लगाई दिनुहोस्
ए सरकार म निर्दोष बस्ने त्यस्तो कारागार कहाँ छ
तिम्रो काठमाडौंमा छिट्टै रेल आउछ भन्ने सुनेको छु
मेरो सुदुरका जनताहरुलाई जिउने आधार कहाँ छ
कुहिएका चामल पठाउँनु हुन्छ सधैं मेरो जिल्लामा
यहाँ गुणस्तरीय खाद्य वस्तु पाउने बजार कहाँ छ
नेताको टाउको दुखेको खबर लेख्छन् पत्रकारले
गरिब जनताको लागि लेखेको समाचार कहाँ छ
बोनस
न्याय नपाउँदा पीडितले मानसिक सन्तुलन गुमायो
भ्रष्टको छातीमा नै चलाउँछु गोली हतियार कहाँ छ
✍️🌷गणेश बिष्ट बर्षात🌷
साँफे बगर नगरपालिका-११ अछाम
