बुडर–गड्सेरा कालोपत्रे सडकको मुख्यमन्त्री भट्टद्वारा शिलान्यास

बुडर जोरायल हुँदै गड्सेरा जोड्ने कालोपत्रे सडकको सुदूरपश्चिमका मूख्यमन्त्री त्रिलोलच भट्टले शिलान्यास गर्नु भएको छ ।सुदूरपश्चिम प्रदेश सरकारको कुल रु ७० करोड लगानीमा बुडरदेखि जोरायलको चनकट्टेसम्म १७.३० किमी सडक कालोपत्रेका लागि आजदेखि काम सुुरु भएको हो ।
सो अवसरमा मुख्यमन्त्री भट्टले बुडर, जोरायल, गड्सेरा हुँदै दिपायल जोड्ने यो सडक निर्माण सम्पन्न भए यहाँका कृषिदेखि अन्य विकासका कामले गति लिने तथा नागरिकलाई घरैमा कमाउने आधार निर्माण हुने बताए । उनले भने ‘यहाँका विकास निर्माणका ठूला कामहरु तोकिएकै समयमै सम्पन्न गर्न निर्देशन दिएका छौँ, समयमै काम नसक्नेलाई कारवाही हुन्छ ।’
कार्यक्रममा सुदूरपश्चिम प्रदेशका भौतिक पूर्वाधार तथा विकासमन्त्री पठानसिंह बोहराले पछिल्लो समय सुदूरपश्चिमका गाउँगाउँमा विकास निर्माणले गति लिन थालेको बताए । सुदूरपश्चिम प्रदेशसभा सदस्य पूर्णा जोशीले नागरिकको आवश्यकता बिजुली, सडक र विद्यालय जस्ता विकासका योजना अघि सार्नुपर्ने बताए ।

bhukampa

जोरायल गाउँपालिकाका अध्यक्ष दुर्गादत्त ओझाले बुडर–जोरायल–गड्सेरा सडकको काम चाँडो सम्पन्न भए यहाँका नागरिकले आफूले फलाएका तरकारीदेखि अन्य अन्नपात सुगम क्षेत्रका ठाउँ तथा बजारसम्म सहजै पु¥याउन सकिने छ ।

Shaileshwori
Loading...