कर्णाली प्रदेशको सत्ता संघर्षले लियो नयाँ मोड, सचेतक परिवर्तन

कर्णाली प्रदेशका मुख्यमन्त्री महेन्द्र बहादुर शाहीले प्रमुख सचेतक हटाएर नया सचेतक नियुक्त गरेका छन् । शाहीले प्रमुख सचेतक गुलाबजंग शाहलाई हटाएर सचेतकमा सीता नेपालीलाई नियुक्त गरेका हुन । यसले गर्दा कर्णाली प्रदेशको सत्ता संघर्षले नयाँ मोड लिएको छ । आइतबार १८ जना सदस्यले संसदीय दलका नेता तथा मुख्यमन्त्री शाहीविरुद्ध अविश्वासको प्रस्ताव गरेका थिए । कर्णालीको राजनीति चर्चाको विषय बनेको छ । यसअघि प्रमुख सचेतकका हैसियतमा शाहले नेकपा प्रदेशको संसदीय दलको बैठक मंगलबार दिनको १ बजे बोलाएका थिए । तर नवनियुक्त प्रमुख सचेतक नेपालीले संसदीय दलको बैठक मंगलबार नबस्ने बताउनु भएको छ ।