सोमबार नेपालमा ४ हजार ४७ जना कोरोना संक्रमित थपिए, ९ जनाको मृत्यु

सोमबार नेपालमा थप ४ हजार ४७ जना कोरोना संक्रमित थपिएका छन् । पछिल्लो २४ घण्टामा देशभरका विभिन्न प्रयोगशालाहरुमा १४ हजार ५ सय ३० जनाको पीसीआर परीक्षण गरिएकोमा थप ४ हजार ४७ जनामा कोरोना प’ष्टि भएको स्वास्थ्य तथा जनसंख्या मन्त्रालयको नियमित मिडिया ब्रिफिङमा प्रवक्ता डाक्टर जागेश्वर गौतमले बताए । योसँगै नेपालमा कोरोना संक्रमितको जम्मा संख्या १ लाख ११ हजार ८०२ पुगेको छ । हाल नेपालमा संक्रिय संक्रमितको संख्या ३३ हजार ८८० छ ।

पछिल्लो २४ घण्टामा १४ सय ७३ जना डिस्चार्ज भएका छन् । योसँगै नेपालमा हालसम्म कोरोनामुक्त हुनेको संख्या ७७ हजार २ सय ७७ जना पुगेको छ । संस्थागत आइसोलेसनमा १३ हजार ९२३ सय ४९ जना रहेको पनि प्रवक्ता गौतमले बताए । होम आइसोलेसनमा रहने संक्रमितको संख्या १९ हजार ९ सय ५७ छ ।

त्यस्तै बितेको २४ घण्टामा ९ जनाको कोरोना संक्रमणबाट मृत्यु भएको स्वास्थ्य मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ६४५ पुगेको छ ।