बेच्नु पर्छ कि भएको खेतबारी चिन्ता लाग्दैछ

१ मुक्तक

बेच्नु पर्छ कि भएको खेतबारी चिन्ता लाग्दैछ
जान्छकी घर न घाटको पारी चिन्ता लाग्दैछ
निस्स्वार्थ मनले सेवा गर्छु भनी निस्कियो भाई
कतै बन्ने पो हो की भ्रष्टाचारी चिन्ता लाग्दैछ

२ मुक्तक

रुदै कराउदै मेरै नजिक आएको हेर्न मन छ
जिन्दगीमै ठुलो हन्डर खाएको हेर्न मन छ
जसले हिजो मलाई धोका दिएर गयो नी
त्यही मान्छेलेनै धोका पाएको हेर्न मन छ

३ मुक्तक

अन्जानमा होइन जानीजानी टाढिन सक्छौ
मेरो कत्ति पनि झर्को नमानी टाढिन सक्छौ
जबरजस्ती छैन यो दिलमा नै बस भनेर
मन नपरे मेरो आनीबानी टाढिन सक्छौ

४ मुक्तक

अन्जान होइन जानाजान फुटाईदिए हुन्छ
राखेर नि हुदैन ठुलो सान फुटाईदिए हुन्छ
आफैले सुनेदेखेको सत्यतथ्य भन्न नसके
तपाईका ति आँखा कान ,फुटाईदिए हुन्छ

५ मुक्तक

कमजोरी ढाक्छन छेक्छन अचम्म लाग्छ
यहाँ यस्तो गर्ने अनेकछन अचम्म लाग्छ
आफ्नो शरीरमा भैसी उक्लेको नदेख्नेले
अरुको शरीरमा जुम्रा देख्छन अचम्म लाग्छ

अमर बि.क

शिखर न•पा•१ कपल्लेकी डोटी