डोटी : बोगटान फुड्सिल गाउँपालिकाले विश्व वातावरण दिवस वृक्षारोपण गरेर मनाएको छ । सन् १९७३ जुन ५ देखी प्रत्येक वर्षको जुन ५ तारिखलाई विश्व वातावरण दिवसका रुपमा मनाईने गरिन्छ । यस वर्ष पारिस्थितिकीय प्रणाली पुनःस्थापनका विषयमा केन्द्रित हुँदै ‘नयाँ सोच र सिर्जनाका साथ प्राकृतिक प्रणालीको पुनःस्थापनाका लागि विश्व वातावरण दिवस’ मनाइँदैछ ।
दिवसको अवसरमा गाउँपालिकाले कार्यालय परिसरमा जनप्रतिनिधि तथा कर्मचारीहरुको सहभागितामा वृक्षारोपण कार्यक्रम गरेको गाउँपालिकाका अध्यक्ष कमल बहादुर गड्सिलाले बताउनु भएको छ ।
वडा नम्बर १ सिमचौरको कार्यालय परिसर र गाउँपालिका परिसरमा सोपलान्ट, आँप, लिचि, ड्रागन फुट, कपुर, विभिन्न प्रकारका फूलहरु लगायतका करिव ७० विरुवा रोपिएको गाउँपालिकाले बताएको छ ।
