सुबास नेपाली
माघ १५, डोटी
सुदूर पश्चिम पृतना हेडक्वाटरका नव नियुक्त पृतनापति उपरथी गणेश कुमार श्रेष्ठले पृतना अन्तरगतका विभिन्न युनिटहरूको निरीक्षण भ्रमण गर्नु गर्नुभएको छ । सुदूर पश्चिम पृतना अन्तरगतका युनिटहरूको वस्तुस्थितिका बारेमा जानकारी लिने उद्देश्यले निरीक्षण भ्रमण गरिएको सुदूर पश्चिम पृतनाका पृतनापति उपरथी श्रेष्ठले बताउनुभयो ।
पृतनापति श्रेष्ठले सुदूर पश्चिम पृतना हेडक्वाटर अन्तर्गतका बाहिनी, गण, गुल्महरूको वस्तुस्थिति, बन्दोबस्ती लगायत अन्य विविध पक्ष बारे जानकारी हासिल गर्नुका साथै सकल दर्जाहरूलाई सम्बोधन गर्नुभएको थियो । निरीक्षण भ्रमणका क्रममा पृतनापति श्रेष्ठले सकल दर्जाहरूलाई सदैव जनताको हितमा काम गर्न समेत निर्देशन समेत दिनुभयो ।
त्यसै गरी नव नियुक्त पृतनापतिले सुदूर पश्चिम पृतना हेडक्वाटरको कमाण्ड सम्हाले सँगै यस क्षेत्रको ऐतिहासिक सम्पदा, धार्मिक स्थल, खेलकुद र पर्यटन लगायतका क्षेत्रको विकासका लागी सहयोगको अपेक्षा समेत गरेका छन् ।
