रामेछापमा ट्याक्टर दुर्घटना हुदा दुई जनाको ज्यान गएको छ । जिल्लाको दोरम्बा गाउँपालिका–४ सानो शैलुङ स्थित सोमबार राति ना ७ त ८७३ नम्वरको ट्याक्टर दुर्घटना हुँदा दुई जनाको ज्यान गएको जिल्ला प्रहरी कार्यालय रामेछापले जनाएको छ ।
दुर्घटनामा ट्याक्टर चालक दोरम्बा गाउँपालिका–७ पुडिटारका २७ वर्षीय चालक पेमा लामा र ट्याक्टरमा सवार सोही स्थानका ५५ वर्षीया फुर्वा दोर्जेको घटना स्थलमै ज्यान गएको जिल्ला प्रहरी कार्यालय रामेछापका डिएसपी वसन्त पाठकले जनाकारी दिनुभयो । ट्याक्टर सडकबाट २ सय मिटर तल खसेको प्रहरीले बताएको छ ।
